Suntik Gratis di Bidan

Suntik Gratis di Bidan

Ada mace satu sakit pergi berobat ke bidan:

Pasien : "Saya mau berobat, bu..."
bidan   : "Mace pu keluhan apa ka?"
Pasien : "Sa pu badan panas, kepala pusing trus tra bisa makan nih, tapi sa tra punya uang bu bidan bisa tolong ka?"
bidan   : "Mace tenang saja nanti sa suntik supaya cepat sembuh."

Trus mace buka celana langsung bidan suntik. Tra lama bidan tanya pasien,

"Bagaimana mace su rasa segar ka?"

Pasien jawab: "Sa su rasa segar sekali... bidan pu obat saja mantap sampe, baru obat pu nama apa ka?"
bidan jawab: "Tadi mace bilang tra ada uang jadi sa cuma suntik deng air putih saja supaya tra usah bayar."

Hahaee... mace langsung pingsan dengar bidan pu jawaban...